५ बैशाख २०८२, शुक्रबार
२०८१ फाल्गुन ३० गते, शुक्रबार १५:५६ मा प्रकाशित
ताप्लेजुङको मैवाखोला गाउँपालिकाले खोलाले बगाएर मृत्यु भएका दुई बालबालिकाका परिवारलाई जनही नगद ५० हजार रुपैयाँका दरले राहत रकम उपलब्ध गराएको छ ।
मैवाखोला गाउँपालिका अध्यक्ष विजयप्रकाश वनेमका अनुसार गत असोज १८ गते मैवाखोलाले बगाएर मृत्यु भएका पालिकाको वडा नं २ खानीका १२ वर्षीय ऐतमाया शेर्पा र ११ वर्षीय सन्देश बराइलीको परिवारलाई उक्त राहत रकम दिइएको हो।
पालिकाको विपद् व्यवस्थापन कोषबाट उक्त रकम ऐतमाया र सन्देशका परिवारलाई हस्तान्तरण गरिएको पालिकाले जनाएको छ । खानीटोलका रिञ्जे शेर्पाको छोरी ऐतमाया र सञ्चहाङ बराइलीका छोरा सन्देश मैवाखोलामा पौडी खेल्ने क्रममा बेपत्ता भएकोमा खोजतलासका क्रममा उनीहरु दुबै जना मृत भेटिएका थिए ।
यता, गाउँपालिकाले मृगौला पीडित पालिकाको वडा नं ४ का किपादोर्ची शेर्पालाई उपचारका लागि ५० हजार रुपैयाँ समेत सहयोग उपलब्ध गराएको छ । अध्यक्ष स्वास्थ्य सहयोग कोषमार्फत उक्त रकम उपलब्ध गराइएको पालिका अध्यक्ष वनेमले जानकारी दिए । पालिकाले अध्यक्ष स्वास्थ्य सहयोग कोषमार्फत यस्ता रोगीहरूलाई सहयोग रकम दिंदै आएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
