२१ चैत्र २०८१, शुक्रबार
२०८१ चैत्र २० गते, बिहीबार १४:५४ मा प्रकाशित
प्रधानमन्त्री केपी शर्मा ओलीले साना देशहरुमाथि विभिन्न प्रकारका जोखिम बढ्दै गएकाले सबै सजग हुनुपर्ने बताएका छन्।
थाइल्याण्डको औपचारिक भ्रमणको सिलसिलामा एशिया इन्स्टिच्युट अफ टेक्नोलोजीमा सम्बोधन गर्दै उनले साना देशहरुमाथि बढेको चुनौती र जोखिमबारे चिन्ता व्यक्त गरेका हुन्।
विश्वव्यापी रुपमा बढिरहेको जलवायु परिवर्तनको असरले देशलाई जोखिममा पारेको बताए। प्रधानमन्त्री ओलीले विश्वव्यापी रुपमा बढेको हतियारको प्रयोगले मानव जीवन र मानवता नै चुनौतीमा परेको जिकिर गरे।
अहिले साना र जोखिममा रहेका देशको दुःखको आवाज सुन्ने कोही नभएको उनको भनाइ थियो। विश्व मानवता र भ्रातृत्वको लागि सबै एकजुट हुन आवश्यक रहेको उनले बताए।
उनले अहिले भोगिरहेको जलवायु संकटबारे अहिले नै लड्न नसके देशका नागरिकहरु झनै गरिबी र दुःखमा धकेलिने भएकाले विश्व समुदायलाई गम्भीर हुन आग्रह गरे।
एशिया इन्स्टिच्युट अफ टेक्नोलोजीमा नेपाली विद्यार्थीको संख्या उल्लेख्य छ। एआइटीबाट करिब १ हजार ७ सय बढी नेपालीले अध्ययन गरिसकेका छन्। नेपाल यस विश्वविद्यालयको बोर्ड अफ ट्रस्टी पनि हो।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
