तिनकुनेमा अन्दाधुन्दा गोली चलाएर राज्यले हिंसा भड्कायो : राजेन्द्र लिङ्देन

होमल्याण्ड खबर

२०८१ चैत्र २० गते, बिहीबार १६:२७ मा प्रकाशित

राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्दनेले चैत १५ गते तीनकुनेमा हिंसा भड्काउन सरकारको हात रहेको दाबी गरेका छन् ।

सरकारलाई पाँच बुँदे ध्यानाकर्षणपत्र बुझाएर बाहिरिने क्रममा सञ्चारकर्मीहरूसँग कुरा गर्दै तीनकुनेको प्रदर्शनमा सरकारले नै हिंसा भड्काएको दाबी गरे ।

उनले भने, ‘हिंसा भड्काउन सरकार नै संलग्न भएको पाइन्छ, मञ्चमा राष्ट्रिय गान बजिरहेको छ, कार्यक्रम सुरु हुन लागिरहेको छ । त्यहाँ अन्दाधुन्दा अश्रुग्याँस प्रहार गरिन्छ । बाटोमा हिँडिरहेका मान्छेहरूलाई गोली हालिएको छ ।

कार्यक्रम स्थलबाट धेरै टाढा रहेका कुनै सम्बन्ध नरहेका, मानिसहरूलाई घरमा पस्दै गर्दा पनि गोली हानिएको छ, सरकारले यतिधेरै हिंसात्मक भयो भनिरहँदा प्रदर्शनकारीहरूसँग एउटा लाठी पनि फेला नपारेको स्थितिमा सरकारले यतिधेरै गोली किन चलायो । झण्डै २५० राउण्ड गोली चलाइएको छ ।’

उनले राज्य पक्ष सुनियोजित रूपमै हिंसा भड्काउन लागिपरेको देखिएको भन्दै निष्पक्ष छानबिन गरेर दोषीलाई कारबाही हुनुपर्ने बताए ।

सम्बन्धित खबर

दार्चुला केन्द्रविन्दु भएर भूकम्प

काठमाडौँमा हप्ताको दुई दिन सार्वजनिक बिदा दिन सुझाव

साना देशहरुमाथि जोखिम बढ्दै छः प्रधानमन्त्री ओली

एनसेलले ल्यायो आकर्षक एनएसएल अफरहरु

वायु प्रदूषण बढेपछि स्वास्थ्य मन्त्रालयद्वारा सतर्कता अपनाउन आग्रह

आन्दोलनरत शिक्षकलाई सरकारले वार्तामा बोलायो