५ बैशाख २०८२, शुक्रबार
२०८१ चैत्र २७ गते, बिहीबार १३:४१ मा प्रकाशित
आफ्ना मागहरू सम्बोधन नभएको भन्दै शिक्षकहरूले राजधानी केन्द्रित आन्दोलनका कार्यक्रमहरू गरिरहेका छन्।
विभिन्न जिल्लाबाट राजधानी काठमाडौंमा भेला भएका शिक्षकहरूले आज पनि माइतीघर मण्डलादेखि नयाँ बानेश्वर जाने बाटो ओगटेर आन्दोन गरिरहेका हुन्।
नेपाल शिक्षक महासंघ राष्ट्रिय समितिले विगतका सबै सहमती सम्बोधन हुने गरी नयाँ विद्यालय शिक्षा ऐन जारी गरियोस् भन्ने माग राख्दै चैत्र २५ गतेदेखि काठमाडौंमा शैक्षिक हड्ताल सहित जुलुस तथा विरोध सभा कार्यक्रम गर्दै आएको छ। जसअनुसार आज माइतीघर मण्डलादेखि नयाँ बानेश्वर जाने क्रममा आफूहरूले सुरक्षा कर्मलाई बिजुली बजार पुल बाट सडखण्डको ३ वटै लेनमा कार्यक्रम हुने जानकारी गराएको भनेका थिए। तर, सुरक्षाकर्मीले रोक्ने कोसिस गर्दा एकछिन धकेला धकेल(पनि भएको थियो भने बानेश्वरबाट आएका केही गाडीहरु अवरोधमा परेका थिए। सुरक्षाकर्मीले हटाउन नसके पछि त्यसपछि अवरोधमा परेको गाडीलाई शिक्षक आफैले ब्याक गराएर पठाएका थिए।
आफूहरू आन्दोलनमा उत्रिएको यतिबा दिन हुँदा पनि सरकार यस विषयमा गम्भीर नभएको भन्दै उनीहरूले आन्दोलनलाई निरन्तरता दिइरहेका छन्। यता, सरकारले भने शिक्षकलाई वार्तामा बोलाए पनि उनीहरू नआएको बताउँछ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
