६ बैशाख २०८२, शनिबार
२०८२ बैशाख ३ गते, बुधबार १४:०३ मा प्रकाशित
यू–१९ विश्वकप क्रिकेट एसिया छनोटमा नेपालले लगातार तेस्रो जित हासिल गरेको छ ।
मुलपानीको तल्लो क्रिकेट मैदानमा बुधबार भएको खेलमा नेपालले हङकङलाई ९ विकेटले पराजित गरेको हो ।
हङकङले दिएको ११६ रनको सामान्य लक्ष्य नेपालले १२.३ ओभरमा १ विकेटको क्षतिमा पूरा गर्यो ।
नेपालका लागि साहिल पटेल ४२ र कप्तान नरेन भट्ट ३९ रनमा अविजित रहे । निरजकुमार यादवले २३ रन बनाए ।
हङकङका लागि शायान पूरीले १ विकेट लिए ।
यसअघि टस हारेर ब्याटिङ थालेको हङकङ ४६.२ ओभरमा ११५ रन बनाएर अलआउट भएको थियो ।
हङकङका लागि शिव माथुरले अर्धशतकीय पारी खेले । उनले ११६ बलमा ४ चौका र १ छक्का प्रहार गर्दै ६३ रन जोडे ।
नेपालका लागि युवराज खत्रीले ४ विकेट लिए । विपिन शर्माले ३, सन्तोष यादवले २ तथा अशोक धामीले १ विकेट लिए ।
यसअघि नेपालले ओमान र यूएईलाई हराएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
