२३ बैशाख २०८२, मंगलवार
२०८२ बैशाख २१ गते, आईतवार १०:४७ मा प्रकाशित
नेपाली कांग्रेसका नेता डा. शेखर कोइरालाले सरकारमा गएका मन्त्रीहरूबाहेक अरू कसैले एमालेसँग सहकार्य गर्न आवश्यक नभएको बताएका छन् ।
नेपाल थारु संघ नवलपुरको प्रथम अधिवेशनलाई सम्बोधन गर्दै उनले भोलिको प्रतिस्पर्धी एमाले नै हुन्छ भन्ने कुरा ख्याल गर्नुपर्ने बताए ।
उनले भने, ‘प्रतिस्पर्धीसँग सहकार्य गरेर सङ्गठन बन्दैन । हामीले गलतलाई गलत भन्नुपर्छ । अनिमात्रै हामी अघि बढ्छौँ । कांग्रेस र एमालेले सरकार बाहिरको संयन्त्र बनाएको छ । कुनै पनि लोकतान्त्रिक मुलुकमा त्यस्ता संयन्त्रहरूले सरकारलाई चलाउन सक्दैन, पाउँदैन ।’
नेता कोइरालाले संयन्त्र बनाउन नहुने भन्दै जिल्लास्तरमा संयन्त्र बनाएको भए तोड्न निर्देशन दिए ।
उनले थपे, ‘प्रदेश, जिल्ला, पालिकामा पनि एमालेसँग संयन्त्र बनाउन हुँदैन । बाहिरबाट सरकार कम्युनिष्टहरुले मात्रै चलाउने हुन् । लोकतान्त्रिक पार्टीले त्यो स्वीकार गर्दैनौँ । सरकारभित्रबाट मन्त्रीहरूले संयन्त्र बनाए हामीलाई आपत्ति हुँदैन।
नेता कोइरालाले सरकारले संविधान संशोधनबारे एक सिन्को नभाँचेको बताए । भ्रष्टाचार पनि बढिरहेको भए पनि मन्त्री र प्रधानमन्त्रीहरू नीतिगत निर्णय भनेर पन्छिएको उनको आरोप छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
