३० बैशाख २०८२, मंगलवार
२०८२ बैशाख ३० गते, मंगलवार १७:१७ मा प्रकाशित
मातृभूमि जागरण अभियानका संयोजक भीम रावलले भारत र पाकिस्तानबीच युद्धविराम गराउन आफ्नो पनि भूमिका रहेको भनी गरेको दाबी प्रस्ट पार्न प्रधामन्त्री केपी शर्मा ओलीसँग माग गरेका छन्।
भारत-पाकिस्तान युद्ध रोक्न कोसँग कुरा गरेको हो भनी खुलाउन रावलले प्रधानमन्त्री ओलीसँग अनुरोध गरेका हुन्।
यो कुरा भन्न नसके एमाले अध्यक्षसमेत रहेका प्रधानमन्त्रीको दाबी हास्यास्पद र गैरजिम्मेवार ठहरिने टिप्पणी एमालेका पूर्वउपाध्यक्षसमेत रहेका नेता रावलले गरेका छन्।
‘भारत र पाकिस्तानको युद्धविराममा प्रम केपीले ‘हामीले पनि कुरा गर्यौँ’ भन्नुभएको रहेछ। उहाँले कुन व्यक्तिसँग कुरा गर्नुभएको रहेछ? प्रस्ट गर्नुपर्यो’, रावलले सामाजिक सञ्जालमार्फत भनेका छन्, ‘नभए साे भनाइ हास्यास्पद र गैरजिम्मेवार ठहरिने छ।
अन्य देशका नेताले भारत र पाकिस्तानका कोसँग के कुरा गरे, खुलस्त भनेका छन्।’
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
