९ मंसिर २०८१, आईतवार
२०७५ पुष १ गते, आईतवार १०:०७ मा प्रकाशित
एजेन्सी । इंग्लिश प्रिमियर लिग फुटबलमा आज आइतबार विभिन्न तीन ठुला खेलहरु हुँदैछ । आइतबार हुने भिडन्तमा ठुला क्लबहरु लिभरपुल, चेल्सी, आर्सनल, म्यानचेस्टर युनाइटेड लगायतका क्लबले प्रतिस्पर्धा गर्दैछन् ।
प्रिमियर लिगमा आइतबार सबैको पर्खाइमा लिभरपुल र म्यानचेस्टर युनाइटेडबीचको खेल हुनेछ । लिभरपुल र युनाइटेडबीचको खेल नेपाली समय अनुसार राति ९:४५ मा सुरु हुनेछ ।
लिभरपुलको मैदानमा हुने यस खेल निकै रोमान्चक हुने अनुमान गरिएको छ । युनाइटेडविरुद्ध मैदान उत्रदा लिभरपुल जितसहित शीर्ष स्थानमा उक्लने योजनामा हुनेछ । लिभरपुल १६ खेलबाट ४२ अंकसहित दोस्रो स्थानमा छ । लिभरपुल शीर्ष स्थानको सिटीभन्दा २ अंकले पछि छ ।
यता, युनाइटेड लयमा रहेको लिभरपुललाई हराएर शीर्ष स्थानको होड खुल्ला गर्न चाहन्छ । यस सिजन एकनासे प्रदर्शन गर्न नसकिरहेको युनाइटेड २६ अंक जोडेर छैटौं स्थानमा छ । युनाइटेडलाई आज लिभरपुललाई हराएर शीर्ष टोलीसंगको अंक दुरी कम गर्ने मौका छ ।
यस्तै चेल्सीले ब्राइटनसंग उसैको मैदानमा खेल्दैछ । चेल्सी र ब्राइटनबीचको खेल बेलुका ७ :१५ मा सुरु हुनेछ ।
ब्राइटनविरुद्ध मैदान उत्रदा चेल्सी जित निकाल्दै शीर्ष तीन क्लबसंगको अंक दुरी कम गर्न चाहन्छ । चेल्सी ३४ अंक जोडेर लिगको चौथो स्थानमा रहेको छ ।
प्रिमियर लिग अन्तर्गत नै आर्सनलले साउथह्याम्पटनसंग खेल्दैछ । साउथह्याम्पटनको मैदानमा हुने खेल बेलुका ७:१५ मा सुरु हुनेछ ।
साउथह्याम्पटनविरुद्ध आर्सनल सहज जितको खोजीमा हुनेछ । घरेलु टोलीलाई हराएर आर्सनल शीर्ष टिमसंग अंक दुरी कम गर्ने लक्ष्यमा हुनेछ ।
लिगमा ३४ अंक जोडेको आर्सनल पाँचौ स्थानमा छ । ९ अंक जोडेको साउथह्याम्पटन रेलिगेसन जोनमा रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
