१८ जेष्ठ २०८२, शनिबार
२०८२ जेष्ठ १७ गते, शुक्रबार १५:३८ मा प्रकाशित
रौतहटमा बम बिस्फोट पछि इँट्टाभट्टामा जलाएर मारेको आरोप लागेका नेपाली कांग्रेसका नेता मोहम्मद अफताब आलमलाई सफाइ दिने दुई न्यायाधीशविरुद्ध न्याय परिषद्मा उजुरी परेको छ।
उच्च अदालत जनकपुरको वीरगञ्ज इजलासका न्यायाधीशद्वय खुसीप्रसाद थारू र अर्जुन महर्जनविरूद्ध युवराज पौडेल (युवराज सफल)ले उजुरी दिएका हुन्।
गत बुधबार थारू र महर्जनको इजलासले आफताब आलमसहित चार जनालाई सफाइ दिने फैसला गरेको थियो। लगत्तै आलम ललितपुरस्थित नख्खु कारागार मुक्त भएका थिए।
आलमसँगै उनका भाइ मोहम्मद महताब आलम, शेख सेरोज भन्ने शेख सराज र बद्री सहनीले पनि सफाइ पाएका हुन्। जिल्ला अदालत रौतहटले उनीहरू चारै जनालाई २०८१ वैशाख १३ गते जन्मकैदको फैला गरेको थियो।
उजुरीमा न्यायाधीशद्वय पदमा रहँदा न्याय सम्पादन नै प्रभावित हुने दाबी गरिएको छ। उनीहरूलाई तत्काल निलम्बन गरी अनुसन्धान गर्न माग गरिएको रिटमा उनीहरूको विगतको फैसला पनि अध्ययन गर्न भनिएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
