महिन्द्रा गाडीका ग्राहकका लागि उदय सदस्य योजना

होमल्याण्ड खबर

२०७४ पुष २ गते, आईतवार ०८:११ मा प्रकाशित

नेपालको लागि महिन्द्रा युटिलिटी भेहिकलको आधिकारिक बिक्रेता अग्नि फाउन्डेसनले ग्राहकका लागि भन्दै उदय सदस्य योजना सञ्चालनमा ल्याएको छ । यस योजनाले महिन्द्राको ‘महिन्द्रा राइज’को मर्मलाई आत्मसात गरी ग्राहकको जीवनमा सकारात्मक परिवर्तन ल्याउने उद्देश्य राखेको कम्पनीले जनाएको छ ।
यसका अतिरिक्त उदय सदस्य योजनाले प्रत्यक्ष वा अप्रत्यक्ष रुपमा आफ्ना विद्यमान तथा नयाँ ग्राहकलाई आर्थिक तथा गैरआर्थिक फाइदाहरु प्रदान गरेको छ । आर्थिक वृद्धि तथा समग्र व्यक्तित्व विकासको लागि योजना विशेष फलदायी समेत रहेको कम्पनीले जनाएको छ ।
यो कार्यक्रमअन्तर्गत महिन्द्रा बोलेरो पिकअपका ग्राहकका छोराछोरीमध्येबाट उत्कृष्ट अंक प्राप्त गर्न सफल भएका २५ जनालाई पुरस्कृत गरेको छ । अग्नि फाउन्डेसनले यही मंसिर २९ गते नक्सालस्थित महिन्द्रा सोरुममा उत्कृष्ट हुन सफल छात्रछात्रालाई छात्रवृत्ति प्रदान गरेको कम्पनीद्वारा जारी विज्ञप्तिमा उल्लेख छ ।
छात्रवृत्ति कार्यक्रममा अग्नि फउन्डेसनले उदय सदस्यहरुलाई दुई लाखको निःशुल्क दुर्घटना बिमा, लुब्रिकेन्ट तथा स्पेयर पार्ट्स खरिदमा १५ प्रतिशत छुट, निःशुल्क रुपमा मोबाइल रिचार्ज कार्ड जस्ता सुविधा समेत प्रदान गर्दै आएको छ ।

सम्बन्धित खबर

सुनको मुल्य प्रतितोलामा एक लाख ६५ हजार ५०० पुग्यो

सेयर बजारका सबै सूचक घटे, नेप्से २६८० अंकमा

तोलामा १ हजार बढ्यो सुन, कतिमा हुदैँछ कारोबार ?

काठमाडौं महानगरले उठायो ३ अर्ब १६ करोड बढी राजस्व

विदेशी मुद्रा सञ्चिति २२ खर्ब ३२ अर्ब पुग्यो

एमालेको जग्गा विवादसम्बन्धी मुद्दा आज पनि हेर्न नभ्याउनेमा