३ असार २०८३, बुधबार
२०८३ असार ३ गते, बुधबार १०:३६ मा प्रकाशित
नेपाल राष्ट्र बैंकले ५०० रुपैयाँ दरको नयाँ बैंकनोट आजदेखि प्रचलनमा ल्याएको छ। बैंकको मुद्रा व्यवस्थापन विभागका अनुसार अत्याधुनिक सुरक्षा विशेषतासहितको उक्त नोट बजारमा वितरण गर्न थालिएको हो।
नयाँ नोटको अगाडिको भागमा नेपालको सर्वोच्च शिखर सगरमाथाको चित्र समावेश गरिएको छ भने दायाँपट्टि राष्ट्रिय फूल लालीगुराँसको वाटरमार्क राखिएको छ। दृष्टिविहीन व्यक्तिहरूलाई नोट सहज रूपमा पहिचान गर्न सहयोग पुग्ने उद्देश्यले बायाँ किनारामा दुईवटा काला थोप्ला पनि समावेश गरिएको छ।
नोटको सुरक्षालाई थप सुदृढ बनाउन सगरमाथाको चित्रको दायाँतर्फ अण्डाकार आकृतिभित्र कुबेरको चित्र राखिएको छ। उक्त चित्रलाई सोझै हेर्दा सुनौलो रङमा तथा ढल्काएर हेर्दा हरियो रङमा देख्न सकिने व्यवस्था गरिएको छ। साथै, ३.५ मिलिमिटर चौडा सुरक्षण धागोमा पनि रङ परिवर्तन हुने प्रविधि प्रयोग गरिएको छ । जसलाई सीधा हेर्दा रातो र ढल्काएर हेर्दा हरियो देखिन्छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
