१५ भाद्र २०८३, सोमबार
२०८३ भाद्र १५ गते, सोमबार १२:११ मा प्रकाशित
एसीसी पुरुष प्रिमियर कप २०२६ मा नेपालले विजयी सुरुवात गरेको छ ।
बाङ्गीस्थित वाईएसडी यूकेएम ओभलमा सोमबार भएको खेलमा नेपालले बहराइनलाई ७ विकेटले पराजित गरेको हो । ८८ रनको लक्ष्य नेपालले २१ ओभरमा ३ विकेटको क्षतिमा पूरा गरेको हो।
सन्दीप लामिछाने कप्तानमा फर्किएपछि यो उनको राष्ट्रिय टिमसँग पहिलो जित हो । नेपालका लागि अर्जुन कुमालले अविजित ३६ रन बनाए । रोहित कुमार पौडेल १९ रनमा नटआउट रहे । आसिफले १८ र देव खनालले १० रन बनाए । इशान पान्डे १ रनमा आउट भए ।
बहराइनका लागि इमरान जावेद अनवरले २ विकेट लिए ।
जारी खेलमा पहिले ब्याटिङ गरेको बहराइन ३६.२ ओभरमा ८७ रनमा अलआउट भएको हो । बहराइनका लागि फियाज अहमदले १५ र मुहम्मद वसिमले १३ रन बनाए । अन्य खेलाडीले दोहोरो अंक छुन सकेनन् ।
नेपालका लागि सन्दीप लामिछानेले ५ विकेट लिए । उनले १० ओभरमा १४ रन खर्चेर फाइभ विकेट हल पूरा गरे । ललित राजवंशीले ३ र करण केसीले २ विकेट लिए । टस जितेर नेपालले पहिले फिल्डिङ रोजेको थियो ।
नेपालले दोस्रो खेलमा मलेसियासँग प्रतिस्पर्धा गर्नेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
