९ मंसिर २०८१, आईतवार
२०७५ पुष २७ गते, शुक्रबार १२:५० मा प्रकाशित
एजेन्सी । एएफसी एसिया कप फुटबलमा समूह ‘ए’ मा रहेको भारत युनाइटेड अरब इमिरेट्स (युएई) सँग पराजित भएको छ । अबुधाबी स्थित जायद स्पोर्टस् रंगशालामा भएको खेलमा भारत युएईसँग २—० गोल अन्तरले पराजित भएको हो ।
युएईका काल्फा मुबारर्काले खेलको ४४ औं मिनेटमा गोल गर्दै भारतविरुद्ध अग्रता बनाएका थिए । पहिलो हाफमा १—० गोल अन्तरले पछि परेको भारतको पुनरागमन नहुँदा खेलको ८८ औं मिनेटमा युएईका अलि अहमदले गोल गर्दै टिमका लागि अग्रता दोब्बर बनाएका थिए ।
८८ औं मिनेटमा अलिले गरेको गोल युएईको जितका लागि निर्णायक बन्यो । अन्तराष्ट्रिय गोल गर्ने खेलाडीको शीर्ष दोस्रो स्थानमा रहेका सुनिल क्षेत्रीले गोल गर्न नसक्दिा भारतले समूह चरणको दोस्रो खेलमा पराजय बेहोरेको हो ।
यसअघि एसिया कपको पहिलो खेलमा भारतले थाइल्यान्डलाई ४—१ गोल अन्तरले पराजित गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
