९ मंसिर २०८१, आईतवार
२०७५ पुष ३० गते, सोमबार १५:३७ मा प्रकाशित
थाइल्याण्डमा जारी थाइल्याण्ड महिला टी-ट्वान्टी स्म्यास क्रिकेटमा युएईलाई पराजित गर्दै नेपाल सेमिफाइनलमा प्रवेश गरेको छ ।
सोमबार बैंककमा भएको खेलमा युएईलाई ६ विकेटले पराजित गर्दै लगातार तेस्रो जितसहित नेपालल सेमिफाइनलमा पुगेको हो ।
युएईले दिएको १०६ रनको लक्ष्य नेपालले १९ ओभरमा मात्र ४ विकेट गुमाएर पुरा गर्यो । नेपालको जितमा ओपनर सिता राना मगरले ३७, काजल श्रेष्ठले २५, इन्दु बर्माले १३ रन बनाउँदा कप्तान रुबिना क्षेत्री १० र नेरी थापा ६ रनमा अविजित रहे । युएईका इशा ओजा, हुमाईरा तास्निम र चमानी सिनेभिरात्नेले एक एक विकेट लिए ।
बैंककमा टस जितेर पहिले ब्याटिङ गरेको युएईले पुरै २० ओभर खेल्दै ६ विकेट गुमाएर १०५ रन बनायो ।
युएईका लागि छाया मुगालले ३१, इशा ओजाले २८ र चमानी सिनेभिरात्ने अविजित २३ रन जोडेका थिए ।
नेपालको लागि सोनु खड्का, सिता राना मगर र करुणा भण्डारीले एक एक विकेट लिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
