३० कार्तिक २०८१, शुक्रबार
२०७५ माघ ६ गते, आईतवार ०९:५४ मा प्रकाशित
प्रधानमन्त्री केपी शर्मा ओली आज आइतबार स्विट्जरल्यान्डको भ्रमणमा जाँदै छन् । वर्ल्ड इकोनोमिक फोरमको ४९औं वार्षिक बैठकमा सहभागी हुन उनी त्यसतर्फ जान लागेका हुन् ।
२२ देखि २५ जनवरीसम्म स्विट्जरल्यान्डको डाभोसमा हुने मञ्चको सभामा प्रधानमन्त्री ओलीले २२ र २३ जनवरीमा हुने दुईवटा सत्रमा प्यानलिस्टका रूपमा सम्बोधन गर्ने परराष्ट्र मन्त्रालयले जनाएको छ ।
सातदिने भ्रमणका क्रममा प्रधानमन्त्री ओलीले स्विस राष्ट्रपति वेली माउरासँग पनि भेटवार्ता गर्ने तयारी छ । सम्मेलनमा जी २० सहित विश्वका १ सय ५० बढी देशका राजनीतिक तथा आर्थिक नेताहरुको सहभागी हुने छ ।
भ्रमण टोलीमा उनकी धर्मपत्नी राधिका शाक्य, परराष्ट्रमन्त्री प्रदीपकुमार ज्ञवाली, अर्थमन्त्री डा. युवराज खतिवडा र उच्च अधिकारी रहनेछन् ।
प्रधानमन्त्री ओली माघ १२ गते स्वदेश फर्किने कार्यक्रम रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
