९ मंसिर २०८१, आईतवार
२०७५ माघ ९ गते, बुधबार १०:०० मा प्रकाशित
इंगलिश प्रिमियर लिग क्लब कार्डिफ सिटीमा अनुबन्धित भएका एमिलियानो साला चढेको विमान बेपत्ता भएको छ । उनी चढेको सानो आकारको विमान च्यानल आइल्याण्डमाथि पुगेका बेला बेपत्ता भएको हो ।
२८ वर्षका सालासहित दुईजना रहेको पिपर मालिबु मंगलबार दिउँसो बेपत्ता भएको हो । उनी फ्रेन्च लिग वान क्लब नान्टेसबाट कार्डिफ सिटीमा अनुबन्धित भएका थिए । कार्डिफले सालालाई गएको शनिबार क्लबको कीर्तिमानी मूल्य १५ मिलियन पाउण्डमा अनुबन्धित गरेको थियो ।
विमान बेपत्ता हुनुअघि सालाले ह्वाट्सएपबाट आफूलाई निकै डर लागिरहेको र यो खस्ने अवस्थामा रहेको भनी अडियो सन्देश पठाएका थिए ।
विमानलाई कतै पत्ता लगाउन नसकिएको भन्दै मंगलबार राति खोजी रोकिएको प्रहरीले जनाएको छ । बुधबार फेरि खोजी जारी राखिने प्रहरीले जनाएको छ ।
उनीहरु जीवित रहने सम्भावना निकै कम रहेको छ । मंगलबार राति सालाका सयौँ शुभचिन्तक नाटेसमा भेला भएर प्रार्थना गरेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
