९ मंसिर २०८१, आईतवार
२०७५ माघ १८ गते, शुक्रबार १०:२३ मा प्रकाशित
जिरोनालाई पराजित गर्दै रियल मड्रिड कोपा डेल रे फुटबलको सेमिफाइनलमा प्रवेश गरेको छ ।
बिहिबार राति रियलको घरेलु मैदानमा भएको क्वाटरफाइनलको दोस्रो लेगमा जिरोनालाई ३–१ गोल अन्तरले पराजित गर्दै समग्रमा ७–३ को जितसहित रियल सेमिफाइनलमा प्रवेश गरेको हो । पहिलो लेगमा रियलले जिरोनालाई ४–२ गोल अन्तरले पराजित गरेको थियो ।
दोस्रो लेगमा रियलका लागि करीम बेन्जिमाले दुई र मार्कुस लोरेन्टले एक गोल गरे । जिरोनाका लागि पेड्रो पोर्रोले एक गोल गरे ।
खेलको २७ औं मिनेटमा बेन्जिमाले गोल गर्दै रियललाई अग्रता दिलाएका थिए । ४३ औं मिनेटमा बेन्जिमाले व्यक्तिगत दोस्रो गोल थप्दै रियललाई दोब्बर अग्रता दिलाए ।
७१ औं मिनेटमा पेड्रोले गोल गर्दै जिरोनालाई २–१ मा ल्याए । ७६ औं मिनेटमा मार्कुसले गोल गर्दै रियललाई ३–१ को जित दिलाए ।
यसअघि नै बार्सिलोना, भ्यालेन्सिया र रियल बेटिस सेमिफाइनलमा पुगिसकेका छन् । फेब्रुअरीमा हुने दुई लेग सेमिफाइनलको ड्र शुक्रबार हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
