जापानको एनिमेसन स्टुडियोमा भएको आक्रमणमा मृत्यु हुनेको संख्या २३ पुग्यो

होमल्याण्ड खबर

२०७६ श्रावण २ गते, बिहीबार १४:४० मा प्रकाशित

(बीबीसी) जापानको क्योटोस्थित एनिमेसन स्टुडियोमा भएको एक शंकास्पद आक्रमणमा मृत्यु हुनेको संख्या २३ पुगेको छ । स्थानीय मिडियाका अनुसार एक जना मानिस बिहीबार बिहान क्योटो एनिमेसन स्टुडियोमा छिरेर अज्ञात तरल पदार्थ छर्केका थिए । त्यसपछि उनले आगो सल्काएका थिए ।

दर्जनौ मानिस सो घटनाबाट घाइते भएका छन् । नाम उल्लेख नगरिएका शंकास्पद आक्रमणकारीलाई प्रहरीले पक्राउ गरेको छ । उनलाई  केही चोट भएकोले अस्पताल लगिएको छ ।

एनएचकेले जनाएअनुसार १०:३० बजेतिर सो भवनमा आगो लगाइएको थियो । तीन तले सो भवनमा उद्धारको कार्य जारी रहेको जनाइएको छ ।  सो क्षेत्रका नजिकका मानिसले श्रृंखलाबद्ध विस्फोटको घटना समेत सुनेको बताएका थिए । 

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित