१० मंसिर २०८१, सोमबार
२०७६ पुष ११ गते, शुक्रबार १३:४४ मा प्रकाशित
कजाकस्तानमा आज बिहान एक यात्रुवाहक विमान दुर्घटनामा परेको छ ।
बेक एयरको फ्लाइट नम्बर २१०० को विमान अल्माटी विमानस्थलबाट उडेको केहीबेरमै दुर्घटना भएको हो । दुर्घटनामा कम्तीमा १४ जनाको मृत्यु भएको बीबीसीले उल्लेख गरेको छ ।
विमानमा सवार अन्य यात्रुको अवस्थाबारे भने अहिलेसम्म यकिन हुन सकेको छैन ।
दुर्घटनालगत्तै उद्धारकर्मीहरू घटनास्थल पुगेका छन् । उनीहरूले उद्धार कार्य गरिरहेको त्यहाँका सरकारी अधिकारीहरुलाई उद्धृत गर्दै अन्तर्राष्ट्रिय सञ्चारमाध्यमहरूले जनाएका छन् ।
विमान कङ्क्रिटको एउटा संरचनामा ठोक्किएर एउटा दुईतले भवनमा जोतिएको बताइएको छ ।
विमानमा आगो भने नलागेको बताइएको छ ।
कम्तीमा ६० जना मानिसहरुलाई जीवितै उद्धार गरी अस्पताल लगिएको छ । तिनमध्ये बालबालिका पनि छन् ।
विमानमा चालक दलका ५ सदस्य र ९३ यात्रु सवार थिए ।
दुर्घटना मौसमको प्रतिकूलता या अन्य के कारणले भयो भन्ने खुलेको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
