गाईजात्रा विशेषः मनोज गजुरेलको नयाँ अवतार

होमल्याण्ड खबर

२०७७ श्रावण १५ गते, बिहीबार १२:४२ मा प्रकाशित

काठमाडौं । नेपाली राजनीतिका विभिन्न व्यक्तिको अलवा अमेरिकी राष्ट्रपति डोनाल्ड ट्रम्पको भूमिका समेत नक्कल गरिसकेका हास्यकलाकार मनोज गजुरेललाई आजबाट नयाँ अवतारमा देखिने भएका छन् ।

आजबाट सुरु हुने ‘गाईजात्रा विशेष कार्यक्रम’ मा उनलाई विश्व स्वास्थ्य संगठन (डब्लुएचओ)का प्रमुख टेड्रोस अधानोम गेब्रेयेससको नक्कली भूमिकामा देख्न पाइने भएको हो ।

‘कोभिड–१९’को त्रास र पीडासँग जुझिरहेका विश्वभरका नेपाली भाषीलाई आशा र उत्साह जगाउने उद्देश्यले आज साउन १५ गतेदेखि ‘गाईजात्रा विशेष कार्यक्रम’ एपीवान टेलिभिजन र गजुरेल युट्युवबाट साँझको ८ देखि ९ बजेसम्म हेर्न सकिनेछ ।

उत्प्रेरणा र हौसलाको सांस्कृतिक पर्व गाईजात्राको अवसर पारेर ब्राण्डवर्थ प्रालिले कोरोना संक्रमण फैलावटको जोखिम न्यूनीकरणका लागि सरकारले अपनाएको मापदण्ड भित्र रहेर डिजिटल माध्यमबाट मनोरञ्जन प्रदान गर्न कार्यक्रम निर्माण गरेको ब्राण्डवर्थ प्रालिका प्रमुख कार्यकारी निर्देशक मोहन गजुरेल बताए ।

कार्यक्रममा कलाकार मनोज गजुरेललाई डब्लुएचओका प्रमुख टेड्रोसको अलवा  क्याप्नेटन पिके गजुरेललगायत धेरै भूमिकामा देख्न सकिनेछ ।

कार्यक्रममा कलाकारहरु यमन श्रेष्ठ, पशुपति शर्मा, चट्याङ मास्टर, अर्जुन पराजुली, शैलेन्द्र सिंखडा, लक्ष्मण गाम्नागे, सिताराम कट्टेल, कुञ्जना घिमिरे र राजा राजेन्द्रको पनि प्रस्तुति रहनेछ ।

त्यसैगरी यो गाईजात्रा विशेष कार्यक्रममा सुरेन्द्र केसी, जोगिन्दर पानवाला, सुबोध गौतम, दिनेश काफ्ले, सुमन कार्की, दीपक आचार्य ‘काकु’, रवी डंगोल, पूर्ण थापा, बबिता बानियाँ ‘जेरी’, सुनिता गौतम ‘मुईया’, सन्देश लामिछाने ‘बट्टारे’, रुबिना अधिकारी, अर्जुन दहाल, भरतमणी पौडेल, टेक बहादुर कोईराला, रत्नावली शर्माको अलवा पहिलो कमेडी च्याम्पियनका हिमेश पन्त, दले दाई, खबपु, मेक्सम गौडेल, सुमन कार्की लगायतको प्रस्तुति रहनेछ ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ