‘नेपाल आइडल सिजन ४’ को डिजिटल अडिसन शुरु

होमल्याण्ड खबर

२०७८ भाद्र ४ गते, शुक्रबार १०:४९ मा प्रकाशित

सांगीतिक रियालिटी शो ‘नेपाल आइडल सिजन ४’को डिजिटल अडिसन सुरु भएको छ । भदौं १ गतेदेखि शुरु भएको डिजिटल अडिसन भदौं ३१ गतेसम्म चल्नेछ । अडिसनमा सहभागी हुन प्रतियोगीले मोबाइलको ‘प्ले स्टोर’मा गएर एपिवानको एप्लिकेसन डाउनलोड गर्नुपर्नेछ । अडिसन ओपनमा गएर नेपाल आइडल क्लिक गरेर मागिएको विवरण भर्नुपर्नेछ ।

एप्लिकेशनमा आफ्नै स्वरमा दुईवटा फरक विधाका गीत रेकर्ड गराएर अपलोड गरेर अडिसन दिन सकिने नेपाल आइडलका निर्देशक सुरेश पौडेलले जानकारी दिए । प्रतियोगीहरुबाट गीत अपलोड गर्ने क्रम जारी रहेको उनले बताए । डिजिटल अडिशनमा देश तथा विदेशमा रहेका १६ वर्षदेखि ३० वर्ष उमेर समूहका नेपालीले सहभागीता जनाउन सक्नेछन् । भदौ ३१ गतेपछि आएका गीतमध्येबाट छनोट प्रक्रिया अगाडि बढाइने आयोजकको भनाई छ ।

‘नेपाल आइडल सिजन-४’ मा यसअघिका निर्णायक नहुने आयोजकले जनाईसकेको छ । निर्णायक को हुने भन्ने शुक्रबार फाइनल गर्ने तयारी रहेको निर्देशक पौडलले अनलाइनखबरलाई जानकारी दिए । ‘नेपाल आइडल’ एपिवान टेलिभिजनबाट प्रशारण हुँदै आएको छ ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ