काठमाडौं महानगरपालिकाभित्र थप दुई सिनेमाहलहरु संचालनमा आए

होमल्याण्ड खबर

२०७९ बैशाख २ गते, शुक्रबार ११:१३ मा प्रकाशित

काठमाडौं महानगरपालिकाभित्र थप दुई सिनेमाहलहरू संचालनमा आएका छन्। नयाँ वर्षको अवसर पारेर दरबारमार्गमा दरबार सिनेम्याक्स र कालिमाटीमा वान सिनेमाजको नयाँ हलहरू संचालनमा आएका हुन्।

गुण ग्रुपद्वारा निर्माण गरिएको दरबार मलस्थित ुदरबार सिनेम्याक्सु सिनेमा हल क्युएफएक्सको व्यवस्थापनमा संचालनमा आएको हो। दुईवटा हलमा १०३ सिट क्षमता रहेको छ। हलमा अत्याधुनिक साउण्ड सिस्टम स्क्रिन र अर्डर अनुसारको खानासहित को सेवा उपलब्ध रहेको प्रवन्ध निर्देशक दिप्रस शाक्यले जानकारी दिए।

त्यसैगरि, कालिमाटी ट्रेड सेन्टरमा पनि वान सिनेमाजले नयाँ हल संचालनमा ल्याएको छ। नयाँ बानेश्वरमा हल संचालन गरेको वान सिनेमाजले नै कालिमाटीमा हल सुरू गरेको हो। नयाँ हलको दुई अडिटोरियममा ३०० क्षमताको सिट क्षमता रहेको छ। हलमा थ्रीडी र डल्बी अटमस ध्वनी प्रणाली जडान गरिएको छ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ