महिलालाई सम्मान गर्दै इसेवाले आयोजना गर्‍यो ‘श्रावण र शृङ्गार’ कार्यक्रम

होमल्याण्ड खबर

२०८३ श्रावण २५ गते, सोमबार ११:४२ मा प्रकाशित

नेपालको अग्रणी डिजिटल भुक्तानी सेवा प्रदायक इसेवाले ललितपुरको पुल्चोकस्थित लबिम मलमा ‘श्रावण र शृङ्गार’ कार्यक्रम सफलतापूर्वक सम्पन्न गरेको छ । नेपाली महिलाका लागि विशेष महत्व राख्ने श्रावण महिनाको अवसरमा कार्यक्रम श्रावण २३ र २४ गते आयोजना गरिएको कम्पनीले जनाएको छ ।

शनिबार र आइतबार आयोजित कार्यक्रममा इसेवा प्रयोगकर्तासहित सामाजिक सञ्जालमार्फत सहभागी भएका विभिन्न क्षेत्र र पृष्ठभूमिका महिलाको उल्लेखनीय सहभागिता रहेको थियो । कम्पनीका अनुसार कार्यक्रमले सहभागीलाई श्रावण महिना र तीजको सांस्कृतिक उत्साह साथी–सङ्गीसँग एकै ठाउँमा मनाउने अवसर प्रदान गरेको हो ।

श्रावण र तीजको परम्पराबाट प्रेरित कार्यक्रममा मेहेन्दी लगाउने, तत्काल तस्बिर खिच्ने तथा छपाइ गर्ने व्यवस्था, विभिन्न खेल खेल्ने र आकर्षक पुरस्कार जित्ने जस्ता गतिविधि सञ्चालन गरिएको थियो। यसले सबै उमेर समूहका सहभागीलाई जीवन्त र रमाइलो उत्सवको अनुभव दिलाएको इसेवाले जनाएको छ ।

कम्पनीका अनुसार ‘श्रावण र शृङ्गार’ कार्यक्रम इसेवाको महिनाभर सञ्चालन हुने ‘उनी नै हरियो संकेत’ अभियानअन्तर्गत आयोजना गरिएको हो। अभियानले आफू मात्र होइन, अरूलाई पनि आत्मविश्वास बढाउन, लक्ष्यतर्फ अघि बढ्न र सकारात्मक प्रभाव पार्न प्रेरित गर्ने महिलाको सम्मान गर्ने उद्देश्य राखेको छ।

इसेवाले महिलालाई हरेक दिन कदर र सम्मान गर्ने आफ्नो प्रतिबद्धतालाई अझ सुदृढ बनाउँदै सांस्कृतिक परम्परा र सामुदायिक सहभागितालाई जोड्ने यस्ता कार्यक्रमलाई निरन्तरता दिने जनाएको छ। कम्पनीका अनुसार यस कार्यक्रमले श्रावण र तीजलाई थप विशेष र अविस्मरणीय बनाएको छ ।

सम्बन्धित खबर

प्रियंका निर्मित ‘मास्टर्नी’को ट्रेलर सार्वजनिक

‘मास्टर्नी’ को विवादित गीत तत्काल बन्द गर्न नेपाल शिक्षक महासंघको चेतावनी, प्रियंका भन्छिन्– “मनोरञ्जन मात्र हो”

मदनकृष्ण श्रेष्ठको बायोपिक ‘मदनकृष्ण’ निर्माण घोषणा

भोलि ठमेलमा सडक महोत्सव

दिग्गज भारतीय गायिका आशा भोसलेको निधन

वैशाख ५ देखि हरेक शनिबार ‘भेहिकल फ्री असन’