१ मंसिर २०८१, शनिबार
२०७५ चैत्र १४ गते, बिहीबार ११:१९ मा प्रकाशित
एजेन्सी । भारतीय प्रधानमन्त्री नरेन्द्र मोदीले बिहीबार जम्मु काश्मिरबाट निर्वाचन अभियानको शुरुवात गर्ने कार्यक्रम छ ।
जम्मु काश्मिरमा हुने चुनावी सभालाई उनले बिहीबार सम्बोधन गर्ने कार्यक्रम रहेको भारतीय जनता पार्टी (भाजपा) ले जनाएको छ ।
‘प्रधानमन्त्री मोदीले बिहीबारदेखि चुनाव प्रचार अभियान सुरू गर्नुहुनेछ, र अभियानका लागि उहाँ जम्मु काश्मिरमा आउने कार्यक्रम रहेको छ,’ भाजपा महासचिवको भनाइ उद्धृत गर्दै भारतीय सञ्चार माध्यमहरू लेखेका छन् ।
भाजपाले सन् २०१४ मा भएको निर्वाचनमा जम्मु, उदामपुर र लाडाख गरी ३ सिटमा जित हासिल गरेको थियो ।
अहिले जम्मु र काश्मिरमा लोक सभा निर्वाचनका लागि पाँच चरणमा मतदान हुन लागेको छ ।
त्यहाँ अप्रिल ११ बाट मतदान सुरू भई अप्रिल १८, २३, २९ र मे ६ का दिन मतदान हुने छ ।
केही क्षेत्रीय पार्टीहरूले भने नगरपालिका र पञ्चायत निर्वाचन बहिस्कारको घोषणा गरेका छन् ।
तल्लो तहबाट नेता छनोट गर्ने प्रक्रिया मन नपराएर क्षेत्रीय पार्टीहरूले निर्वाचन बहिष्कार घोषणा गरेको प्रतिक्रिया भाजपाले दिएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
