९ मंसिर २०८१, आईतवार
२०७५ चैत्र २७ गते, बुधबार १५:४३ मा प्रकाशित
एजेन्सी । च्याम्पियन्स लिग फुटबलको क्वार्टरफाइनल अन्तर्गत पहिलो लेगमा स्पेनिस क्लब बार्सिलोना र इङ्लीस क्लब म्यान्चेस्टर युनाइटेडले प्रतिस्पर्धा गर्दै छन् ।
युनाइटेडको घरेलु मैदानमा हुने खेल नेपाली समय अनुसार राति १२:४५ मा सुरू हुनेछ । घरेलु मैदानमा हुने खेलमा जित निकाल्दै पहिलो लेगमा अग्रता बनाउने लक्ष्यमा युनाईटेड रहने छ ।
यता स्टार स्ट्राइकर लियोनल मेस्सीको साथ पाएको बार्सिलोना युनाइटेडलाई उसकै घरेलु मैदानमा चुनौती दिने पक्षमा छ । बार्सिलोना र युनाइटेडबीच भएका पछिल्ला ११ खेलहरुमा बार्सिलोनाले ४ खेलमा जित हात पारेको छ । त्यस्तै तीन खेलमा हार तथा ४ खेलमा बराबरी खेलेको छ ।
त्यस्तै आज नै हुने अर्को खेलमा इटालियन क्लब युभेन्ट्सले आयाक्सको सामना गर्ने छ । आयाक्सको घरेलु मैदानमा हुने खेल नेपाली समय अनुसार राति १२:४५ मा सुरू हुनेछ ।
युभेन्ट्स र आयाक्सबीच भएका जम्मा १२ खेलहरुमा युभेन्ट्सले ६ खेलमा जित २ खेलमा हार र ४ खेलमा बराबरी खेलेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
