९ मंसिर २०८१, आईतवार
२०७६ बैशाख १० गते, मंगलवार १२:३० मा प्रकाशित
एजेन्सी । बर्नलीसँग बराबरी खेल्दै चेल्सीले इङलीस प्रिमिएर लिग फुटबलको शिर्ष ३ मा पुग्ने अवसर गुमाएको छ । सोमबार राती निकै प्रतिस्पर्धात्मक बर्नलीसँगको खेलमा २–२ को बराबरी खेल्दै चेल्सीले शिर्ष ३ मा पुग्ने अवसर गुमाएको हो ।
चेल्सीको घरेलु मैदान स्ट्रामफोर्ड बिज्रमा बर्नलीले खेल सुरु भएको ८ औं मिनेटमा अग्रता लिएको थियो । जेफ ह्यान्डरीकले दिलाएको अग्रता ४ मिनेटलगत्तै चेल्सीले बराबरी पारेको थियो । चेल्सीका निगोलो कान्टेले गोल गरेका थिए ।
दुई मिनेट बित्न नपाउँदै चेल्सीले खेलमा अग्रता बनाएको थियो । १४ औं मिनेटमा गोन्जालो हिगुइनले गोल गरेपछि चेल्सी २–१ मा अबस्थामा पुगेको थियो । तर २४ औं मिनेटमा बर्नलीका बर्निसले बराबरी गोल फर्काए ।
पहिलो हाफमा २–२ को बराबरी भएपनि दुबै टोली दोस्रो हाफमा गोल गर्न असफल भए । बराबरीपछि अंक बाँडेको चेल्सी ३५ खेलबाट ६७ अंकसहित लिगतालिकाको चौथो स्थानमा छ । बर्नली समान खेलबाट ४० अंकसहित १५ औं स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
