१० मंसिर २०८१, सोमबार
२०७६ श्रावण २७ गते, सोमबार १६:२९ मा प्रकाशित
प्रदर्शनका कारण हङकङ अन्तर्राष्ट्रिय विमानस्थलमा विमानहरुको उडान र अवतरण ठप्प भएको छ । दशौं हजार प्रदर्शनकारीहरु आगमन कक्षमा प्रवेश गरी प्रदर्शन गर्न थालेपछि हङकङ विमानस्थलको सम्पूर्ण उडान र अवतरण रोकिएको अधिकारीले जनाएका छन् ।
विमानस्थलले विज्ञप्ति जारी गर्दै सोमबारका लागि सम्पूर्ण उडान तथा अवतरण बन्द गरिएको जनाएको हो ।
मानिसहरुको प्रदर्शनका कारण विमानस्थलको कारवाही प्रभावित भएकाले यस्तो निर्णय लिइएको विमानस्थल प्रशासनले जनाएको छ ।
विमानस्थलको एअर ट्राफिक पूर्ण रुपमा प्रभावित भएको र विमानस्थलको कार पार्किङ पनि भरिएको विमानस्थलले जनाएको छ । त्यस्तै विमानस्थलले प्रदर्शनकारीलाई विमानस्थलबाट बाहिर जान समेत आह्वान गरेको छ ।
हङकङका विमान सेवा कम्पनीहरु क्याथी प्यासिफिक तथा क्याथी ड्रगनले आफ्ना सेवाग्राहीलाई हङकङ विमानस्थलतर्फ नजान र जरुरी बाहेकका सबै यात्रा स्थगन गर्न आह्वान गरेका छन् ।
एशियाको व्यस्त विमानस्थलमा पर्ने हङकङ विमानस्थल बन्द हुँदा यसबाट दशौं हजार यात्रु प्रभावित हुने अन्तर्राष्ट्रिय सञ्चारमाध्यमले जनाएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
