२४ जेष्ठ २०८३, आईतवार
२०७५ बैशाख ३ गते, सोमबार ०७:१६ मा प्रकाशित
नेपालमा खेलकुदको व्यवसायीकरण भन्ने मुख्य उद्देश्यका साथ होमल्ययाण्ड स्पोर्टस क्लब नेपालद्धारा आयोजित “काठमाण्डौ ओपन ईन्टरनेशनल ग्रान्डमास्टर चेस प्रतियोगिता” सातौं चरणको शुरुवात एनआरएन नेपालका पूर्व अध्यक्ष उपेन्द्र महतोले गरेका छन् । खेल नवौ चरणसम्म हुनेछ ।
चेस खेलाडीलाई ईन्टरनेशनलमास्टर तथा ग्रान्डमास्टर बन्न आवश्यक पर्ने नर्म सर्टिफिकेट प्राप्तिका लागि प्राविधिक हिसाबले यस प्रतियोगितालाई विश्व चेस जगतले नै महत्वपूर्ण रुपमा लिएको छ । प्रतियोेगिता आयोजनाका निमित्त नेपाल बुद्धिचाल संघ, एसियन चेस फेडेरेसन तथा वल्र्ड चेस फेडेरेसन को सहयोगमा सञ्चालन भैरहेको छ । प्रतियोगिता सञ्चालन गर्न नेपाल, भारत, बंगलादेश र श्रीलंकाका अन्तराष्ट्रिय आर्विटर (निणार्यक) हरु को निगरानीमा भैरहेको क्लवका अध्यक्ष प्रकाश अधिकारीले बताएका छन् । २९ गतेबाट बैशाख ४ गतेसम्म काठमाडौको बुढानिलकण्ठ अवस्थित पार्क भिलेज होटल एण्ड रिसोर्टमा सञ्चालन भैरहेको छ ।
कुल १० लाख रुपैंया नगद पुरस्कार रहेको प्रतियोगितामा अमेरिका, स्पेन, रसिया, ईजरायल, अजरवैजान, रोमानिया, भारत, श्रीलंका, भुटान, बेलारुस, अष्ट्रेलिया, बंगलादेश, मलेसिया, भियतनाम र केन्या गरी करिव सय जना तथा नेपालका ८० गरी जम्मा १ सय ८० खेलाडीको सहभागीता छ । स्विस लिग अनुसार ९ चरणसम्म चल्ने प्
रतियोगितामा १२ जना ग्रान्डमास्टर, १४ जना ईन्टरनेशनलमास्टर, १० जना फिडेमास्टर, १० जना क्यान्डिडेटमास्टरको सहभागीता रहेका छन् ।
खेलाडी, प्राविधिक तथा प्रशिक्षकहरुलाई अनुबन्धित गरेर नियमित प्रशिक्षण गर्ने गराउने तथा नियमित आयआर्जन गराई जिविकोपार्जनमा समेत सहयोग पु¥याई व्यवसायिक रुपमा अघि बढ्दै जाने होमल्ययाण्ड स्पोर्टस क्लब नेपालका अध्यक्ष प्रकाश अधिकारीले जानकारी दिएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
