१० मंसिर २०८१, सोमबार
२०७६ माघ २७ गते, सोमबार ११:३७ मा प्रकाशित
एजेन्सी । बार्सिलोनाले स्पेनिस ला लिगामा पुनरागमन जित निकालेको छ । आइतबार भएको खेलमा बार्सिलोनाले रियल बेटिसलाई ३–२ गोल अन्तरले पराजित गरेको हो । बेटिसको घरेलु मैदानमा भएको खेलमा घरेलु टोलीले दिएको दुई पटकको अग्रतालाई उल्टाउँदै बार्सिलोनाले जित हात पारेको हो ।
खेलको छैटौं मिनेटमा सर्जियो कानलेसले गोल गर्दै बार्सिलोनालाई अग्रता दिलाए । नवौं मिनेटमा डी योङले बार्सिलोनाका लागि बराबरी गोल फर्काए । २६ औँ मिनेटमा बेटिसका लागि नाविल फकिरले गोल गर्दै घरेलु टोलीलाई २–१ गोलको अग्रता दिलाए ।
पहिलो हाफको इन्जुरी समयमा सर्जियो बुस्केटले बार्सिलोनाका लागि बराबरी गोल फर्काए । क्लिमेन्ट लेन्जलेटले ७२ औँ मिनेटमा गोल गर्दै बार्सिलोनालाई जित दिलाएका हुन् । बेटिसका फेकिर ७६औँ मिनेटमा दोहोरो पहेलो कार्ड खादै मैदान छाडेपछि बेटिस क्लब १० खेलाडीमा सिमित भयो । ७९औँ मिनेटमा बार्सिलोनाका लेन्जलेट समेत दोहोरो पहेलो कार्डका कारण मैदान छाडेका थिए ।
जितसँगै बार्सिलोनाले २३ खेलबाट ४९ अंक जोडेको छ । बार्सिलोना तालिकाको दोस्रो स्थानमा छ । शीर्ष स्थानको रियल मड्रिडको ५२ अंक छ । पराजित बेटिस क्लब २८ अंकसहित १३औँ स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
