डब्लुएचओले भन्यो कोरोनाको खोप कहिल्यै पत्ता नलाग्न पनि सक्छ

होमल्याण्ड खबर

२०७७ श्रावण २० गते, मंगलवार १३:५९ मा प्रकाशित

काठमाडौ : विश्व स्वास्थ्य संगठन (डब्लुएचओ)ले कोरोना भाइरसविरुद्धको औषधि र उपयुक्त खोप कहिल्यै पनि पत्ता नलाग्ने सम्भावना रहेको बताएको छ ।

डब्लुएचओका महानिर्देशक डा. टेडरोज आध्यनोम गेब्रेयेसोसले कोरोना भाइरसविरुद्धको खोप चाँडै उपलब्ध भइहाले पनि अहिले यसको कुनै अचूक औषधि नभएको र सायद कहिल्यै पनि नबन्न सक्ने बताएका हुन् । केही खोपहरू अहिले तेस्रो चरणको मानवीय परीक्षणको चरणमा रहेको हुदा यसले संक्रमणबाट जोगाउने आशा राखिएको छ ।

‘अहिले भाइरसको कुनै अचुक औषधि छैन र यो कहिले पनि नभेटिने सम्भावना पनि छ,’ डा. टेडरोज भन्छन्, ‘अहिलेका लागि महामारी नियन्त्रणमा लिने उपाय भनेको परीक्षण, आइसोलेसन र मास्कको प्रयोग गरेर महामारी रोक्ने काम जारी राख्छौं ।’ टेड्रोसले यसअघि कोरोना भाइरस कहिल्यै समाप्त नहुने र यससँगै बाँच्न सिक्नुपर्छ बताइसकेका छन् ।

कोरोना मौसमी रोग भएको हुँदा मौसममा परिवर्तन हुँदा कोरोनामा कुनै असर नपर्ने बताइएको छ । डब्लुएचओ प्रमुख डा. टेडरोजले विश्वभरका मानिसलाई सामाजिक दुरी, हातको सफाइ तथा मास्क प्रयोग, गर्नेसहितका उपायहरू अपनाउन अपिल गरेका छन् । साथै, उनले कोरोना संक्रमित आमाहरूले आफ्नो शिशुलाई स्तनपान गराउन रोक्न नहुने पनि जानकारी दिएका छन् ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित