भारत कोरोना भाइरस बाट एकै दिन सबैभन्दा धेरै मानिसको मृत्यु हुने देश बन्यो

होमल्याण्ड खबर

२०७७ श्रावण २० गते, मंगलवार १४:१२ मा प्रकाशित

काठमाडौं : कोरोना भाइरसको कारण भारतमा पछिल्लो २४ घण्टामा ८०३ जनाको मृत्यु भएको छ । भारतको स्वास्थ्य मन्त्रालयले दिएको जानकारी अनुसार भारतमा कोरोना भाइरसको कारण मृत्यु हुनेको संख्या ३८ हजार ९३८ पुगेको हो ।

यससँगै भारत २४ घण्टामा कोरोना भाइरसको कारण सबैभन्दा धेरै मानिसको मृत्यु हुने मुलुक बनेको छ । भारत नयाँ संक्रमित संख्याको आधारमा पनि अन्य मुलुकभन्दा अगाडि देखिएको छ । भारतमा पछिल्लो २४ घण्टामा ५२ हजार ५० नयाँ संक्रमित थपिएका छन् । भारतमा कोरानेा भाइरसबाट संक्रमित हुनेको संख्या १८ लाख ५५ हजार ७४५ पुगेको छ ।

भारतमा पछिल्लो समय हाइ प्रोफाइल मानिसहरुमा कोरोना भाइरसको संक्रमण देखिने क्रम देखिएको छ । भारतीय गृहमन्त्री अमित शाहलाई पनि कोरोना भाइरसको संक्रमण देखिइसकेको छ । भारतमा कोरोना भाइरस नियन्त्रणको लागि लगाइएको प्रतिबन्ध हटाइएसँगै कोरोना भाइरसको संक्रमण पनि उल्लेख्य मात्रामा बढेको छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित