१० मंसिर २०८१, सोमबार
२०७७ भाद्र १४ गते, आईतवार ०९:४८ मा प्रकाशित
कोरोना संक्रमणबाट विदेशमा रहेका १९५ नेपालीले ज्यान गुमाएका छन्। गैरआवासीय नेपाली संघ अन्तर्गतको स्वास्थ्य समितिका अनुसार शनिवार साँझसम्म विभिन्न १६ देशमा १९५ जना नेपालीहरुको कोरोनाका कारण मृत्यु भएको छ।
अहिलेसम्म विदेशमा रहेका ३४ हजार ७ सय १ जना नेपालीमा कोरोना संक्रमण देखिएको छ । ३२ हजार ५ सय ११ जना कोरोना संक्रमणबाट मुक्त भएको स्वास्थ्य समितिले जनाएको छ ।
यसै साता मात्रै कोरोना संक्रमणबाट तीन नेपालीको मृत्यु भएको छ । साितिका अनुसार बेलायतमा १ जना र युएईमा २ जनाको संक्रमणबाट मृत्यु भएको हो ।
हालसम्म विश्वका ३८ देशमा रहेका नेपालीहरुमा कोरोना भाइरस संक्रमण देखिएको स्वास्थ्य समितिका संयोजक डा.संजीव सापकोटाले जानकारी दिएका छन् । ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
