१० मंसिर २०८१, सोमबार
२०७७ आश्विन ३० गते, शुक्रबार ०९:२९ मा प्रकाशित
काठमाडौं । विश्वव्यापी महामारीको रुप लिएको कोरोना भाइरस (कोभिड १९)को संक्रमणबाट विश्वभर ११ लाख बढीले ज्यान गुमाएका छन् ।
वोर्ल्डोमिटरले जारी गरेको पछिल्लो तथ्याङ्कअनुसार विश्वभर कोरोना संक्रमणबाट ११ लाख २ सय ९ सय बढीको मृत्यु भएको छ ।
यस्तै, विश्वभर कोरोना संक्रमितको संख्या झन्डै ४ करोड पुग्न लागेको छ । पछिल्लो अध्यावधिक विवरणअनुसार विश्वभर कोरोना संक्रमितको संख्या ३ करोड ९१ लाख ३ सय ६० छ ।
संक्रमण देखिएकामध्ये ११ लाख बढीको ज्यान गएको छ भने २ करोड ९३ लाख बढी संक्रमण मुक्त भएका छन् । विश्वभर हाल ८६ लाख ८८ हजार बढी सक्रिय संक्रमित रहेका जनाइएको छ ।
कोरोनाबाट सबैभन्दा बढी प्रभावित अमेरिकामा मृत्यु हुनेको संख्या २ लाख २२ हजार ७ सय नाघेको छ ।
अमेरिकामा हालसम्म ८२ लाख १६ हजार ३ सय १५ जनामा कोरोना भाइरसको संक्रमण देखिएको छ । जसमध्येका ५३ लाख २० हजार संक्रमण मुक्त भएका छन् ।
अमेरिका पछि कोरोनाबाट सबैभन्दा बढी प्रभावित दक्षिण एसियाली मुलुक भारतमा संक्रमितको संख्या ७३ लाख ६५ हजार नाघेको छ । कोरोनाका कारण भारतमा १ लाख १२ हजार बढीको मृत्यु भइसकेको छ ।
यस्तै, ब्राजिलमा कोरोना संक्रमितको संख्या ५१ लाख ७० हजार नाघेको छ भने मृत्यु हुनेको संख्या १ लाख ५२ हजार नाघेको छ ।
ब्राजिल पछि रसिया (रुस)मा कोरोना संक्रमितको संख्या १३ लाख ५४ हजार नाघेको छ । रुसमा कोरोना संक्रमणबाट २३ हजार ४ सय ९१ जनाको मृत्यु भएको छ ।
कोरोना भाइरसबाट सबैभन्दा प्रभावित विश्वाका मुलुकमध्ये नेपाल ३७ औं स्थानमा छ । नेपालमा हालसम्म १ लाख २१ हजार ७ सय ४५ जनामा कोरोना भाइरसको संक्रमण देखिएको छ ।
नेपालमा कोरोना भाइरसको संक्रमणबाट ६ सय ९४ जनाको मृत्यु भएको छ । यस्तै, ८४ हजार ५ सय १८ जना संक्रमण मुक्त भएका छन् ।
नेपालमा हाल ३६ हजार ५ सय ३३ जना सक्रिय संक्रमित छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
