१० मंसिर २०८१, सोमबार
२०७७ मंसिर ११ गते, बिहीबार १२:२० मा प्रकाशित
एजेन्सी: विश्वककै उत्कृष्ट खेलाडी तथा अर्जेन्टिनी मिडफिल्डर डिएगो म्याराडोनाको निधनसँगै अर्जेन्टिनामा तीन दिन राष्ट्रिय शोक घोषणा गरिएकाे छ ।
अर्जेन्टिनी राष्ट्रपति अल्बर्टो फर्नान्डेजले बुधबार हृदयघातका कारण ६० वर्षको उमेरमा ज्यान गुमाएका म्याराडोनाप्रति दुख र शोक व्यक्त गर्दै तीन दिन राष्ट्रिय दिन शोक घोषणा गरेका हुन् ।
उनले अर्जेन्टिनी संचारमाध्यमसँग बोल्दै यस घटनाले आफू निकै दुखित भएको बताएका छन् । ‘म मन्त्रिपरिषदका नेता सान्टियागो क्याफिएरोसँग छलफलमा थिएँ । सुरुवातमा त मैले विश्वास गर्न सकिन । निकै नराम्रो लाग्यो । कुनैपनि अर्जेन्टिनी समर्थकका लागि यो खराब समाचार हो । हामी सबै उनलाई माया गर्थ्यौं । म उनको परिवारसँग कुरा गरेर के गर्ने भन्ने निर्णय लिनेछु,’ उनले भने ।
म्याराडोनाको अन्तिम संस्कारअघि राष्ट्रपतिको मुख्यालयमा राज्यस्तरबाट नै श्रद्दान्जली सभा गर्ने तयारी भइरहेको छ । हालसम्म जम्मा ७ राष्ट्रपतिले मात्र यो सम्मान प्राप्त गरेका छन् । खेलकुद क्षेत्रबाट ५ पटक फर्मुला वन विजेता जान म्यानुएल फान्गियोले सन् १९९५ जुलाई १७ मा यो सम्मान प्राप्त गरेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
