विश्वमा कोरोना संक्रमितको संख्या १८ करोड ११ लाख नाघ्यो

होमल्याण्ड खबर

२०७८ असार १२ गते, शनिबार ०९:५८ मा प्रकाशित

विश्वमा कोरोना भाइरसबाट संक्रमित हुनेको संख्या १८ करोड ११ लाख नाघेको छ । वल्र्डो मिटरको पछिल्लो तथ्यांकअनुसार हालसम्म विश्वमा १८ करोड ११ लाख ६२ हजार ६१६ जना संक्रमित भएका छन् ।

यस्तै मृत्यु हुनेको संख्या ३९ लाख २४ हजार ५५० पुगेको छ भने १६ करोड ५७ लाख ४९ हजार ७७२ जना कोरोना मुक्त भएका छन् ।

विश्वमा कोरोना संक्रमणबाट सबैभन्दा बढी अमेरिका प्रभावित बनेको छ । अमेरिकामा हालसम्म ३ करोड ४४ लाख ८२ हजार ७५ जनाका संक्रमण भएको छ । जसमध्ये ६ लाख १९ हजार १४४ जनाको मृत्यु भएको छ भने २ करोड ८८ लाख ९६ हजार ७४१ जना कोरोना मुक्त भएका छन् ।

यस्तै मृत्युका हिसावले तेस्रो रहे पनि संक्रमणका हिसावले दोस्रो स्थानमा रहेको भारतमा ३ करोड १ लाख ८२ हजार ४६९ जना संक्रमित भएका छन् । संक्रमणबाट ३ लाख ०४ हजार ५२४ जनाको मृत्यु भएको छ भने २ करोड ९१ लाख ८५ हजार ५५९ जना संक्रमण मुक्त भएका छन् ।

यसैगरी ब्राजिलमा जम्मा संक्रमितको संख्या १ करोड ८३ लाख २२ हजार ७६० पुगेको छ भने १ कारेड ६५ लाख ४८ हजार १५९ जना निको भएका छन् । संक्रमितमध्ये ५ लाख ११ हजार २७२ जनाको मृत्यु भएको ।

यता नेपालमा भने संक्रमितको संख्या ६ लाख ३१ हजार १५२ पुगेको छ । यस्तै ५ लाख ७६ हजार ४१३ जना निको हुँदा ८ हजार ९४५ जनाको मृत्यु भएको छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित