ताइवानसँग तनाव चर्किरहेका बेला बाइडेन र सीबीच छलफल

होमल्याण्ड खबर

२०७८ आश्विन २० गते, बुधबार १२:१० मा प्रकाशित

चीन र ताइवानबीच तनाव चर्किरहेका बेला अमेरिकी राष्ट्रपति जो बाइडेनले चिनियाँ समकक्षी सी जिङफिङसँग छलफल गरेका छन् ।

बाइडेनले मंगलबार ताइवानबारे सीसँग छलफल गरेको जानकारी गराएका हुन् । ह्वाइट हाउसमा पत्रकारले ‘ताइवानमा चीनको उक्साहटपूर्ण’ व्यवहारबारे सोधेको प्रश्नको उत्तरु दिँदै बाइडेनले भने- ‘मैले ताइवानबारे सीसँग कुरा गरेको छु’, ताइवान सहमतिलाई पालना गर्नेबारे हामी सहमत छौं र उनले समेत सहमतिबाहेक अन्य कुरा गर्न नहुने भनेर प्रस्ट बताएका छौं ।’

यसअघि ताइवानी राष्ट्रपति त्साई इङ वेनले आफ्नो देशलाई चीनले कब्जा गरे एसियाको शान्ति र लोकतन्त्रमा विनाशकारी परिणाम आउने चेतावनी दिएकी थिइन् । वेनले फरेन अफेयर्समा एक लेख लेख्दै ‘लोकतन्त्र र आफूहरुमाथि खतरा उत्पन्न भए ताइवानले सबै उपाय अपनाएर आफूलाई रक्षा गर्ने’ प्रस्ट पारेकी छन् । उक्त लेखको जवाफ दिँदै चीनको ग्लोबल टाइम्सले वेन र उनको दल डेमोक्रेटिक प्रोग्रेसिभ पार्टीले ताइवानको लोकतन्त्रलाई ‘अतिवादी विचारधारा’मा परिणत गरेको जनाएको छ । ‘उनीहरुले ताइवानलाई चीनबाट अलग गर्ने प्रयास गरे भने उनीहरुको नियति विनाशकारी हुनेछ’, ग्लोबल टाइम्सले लेखेको छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित