९ मंसिर २०८१, आईतवार
२०७८ फाल्गुन ९ गते, सोमबार १०:४९ मा प्रकाशित
अमेरिकी राष्ट्रपति जो बाइडेन रुसी राष्ट्रपति भ्लादिमिर पुटिनसँग युक्रेन संकटमाथि शिखर सम्मेलनका लागि तयार भएका छन् । यो शिखर सम्मेलनको प्रस्ताव फ्रान्सले राखेको हो ।
ह्वाइट हाउसले यदि रुसले युक्रेनमाथि हमला गर्दैन भने यो शिखर सम्मेलन सम्भव हुने बताएको छ । यो वार्तामा युरोपमा उब्जिएका सुरक्षा संकटको विषयमा कुनै कुटनीतिक समाधानको विषयमा प्रस्ताव राख्न सकिनेछ ।
अमेरिकी गुप्तचर सूचनाका अनुसार रुस युक्रेनमाथि हमलाका लागि तयार छ । यद्यपि, रुसले यसलाई अस्वीकार गर्दै आएको छ । अमेरिकी राष्ट्रपति जो बाइडेनसँग वार्ताको प्रस्ताव फ्रान्सका राष्ट्रपति इम्यानुएल म्याक्रों र रुसी राष्ट्रपति पुटिनबीच फोनमा भएको कुराकानीपश्चात् सार्वजनिक भएको हो । दुई राष्ट्रपतिबीच तीन घण्टासम्म कुराकानी भएको थियो ।
यो तीन घण्टाको वार्ता दुई पटक भएको हो । दोस्रोपटक रुसी समय अनुसार सोमबार बिहान भयो । म्याक्रोंले अमेरिकी राष्ट्रपति जो बाइडेनसँग पनि १५ मिनेट कुरा गरेका छन् । फ्रान्सको राष्ट्रपतिको कार्यालयका अनुसार सम्भावित सम्मेलनको विस्तृत विवरणका लागि बिहिबार अमेरिकी विदेशमन्त्री एन्टनी ब्लिङ्कन र रुसी विदेशमन्त्री सर्गेई लावरोफबीच बैठक हुनेछ ।
ह्वाइट हाउसले रुस लगातार युक्रेनमाथि हमलाको तयारी गरिरहेको बताएको छ । अमेरिकाले रुसलाई हमला भएको खण्डमा गम्भीर नतिजा भोग्नुपर्ने चेतावनी दिएको छ ।
९एजेन्सी०
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
