अनामनगर-थापागाउँ हुँदै संसद भवन पुग्न सांसदलाई कांग्रेसको अनुरोध

होमल्याण्ड खबर

२०७८ फाल्गुन १२ गते, बिहीबार ११:१८ मा प्रकाशित

नेपाली कांग्रेसले आफ्ना सांसदहरुलाई संसद भवन जाँदा अनामनगर थापागाउँको सडक प्रयोग गर्न एसएमएसमार्फत आग्रह गरेको छ । माइतीघर तिनकुने सडकखण्डमा एमसीसी विरोधीहरुले प्रदर्शन गर्दा यातायात आवागमन प्रभावित हुनसक्ने भन्दै कांग्रेसले अनामनगर हनुमानथान थापागाउँको रुट प्रयोग गर्न सांसदहरुलाई आग्रह गरेको हो ।

कांग्रेस संसदीय दलको तर्फबाट सांसदहरुलाई पठाइएको एसएमएसमा लेखिएको छ, ‘आज फागुन १२ गते संसद भवन पुग्नको लागि अनामनगर-हनुमानथान-थापागाउँको रुट प्रयोग गर्नु हुन अनुरोध छ ।’

आज दिउँसो १ बजे बस्ने प्रतिनिधि सभाको बैठकमा एमसीसीबारे सैद्धान्तिक छलफल गर्ने तयारी छ । उक्त बैठकमा आफ्ना सबै सांसदहरुलाई अनिवार्य उपस्थित हुन कांग्रेसले निर्देशन दिएको छ ।

एमसीसी अनुमोदन सम्बन्धी प्रस्ताव यही फागुन ५ गते संसदमा पेश भएको थियो । एमसीसी अनुमोदन गर्न नहुने भन्दै नयाँबानेश्वर क्षेत्रमा विरोध प्रदर्शन हुँदै आएको छ ।

सम्बन्धित खबर

रवि लामिछानेको मुद्दा फिर्ताविरुद्धको रिट न्यायाधीश सुवेदी र पोखरेलको इजलासमा

ओली निवास पुगेर माधव नेपालले दिए समवेदना

सुनचाँदीको मूल्य घट्यो

गोरखा माइक्रोबस दुर्घटना : सात जना भारतीयको मृत्यु

पोखरामा सम्पन्न नेपाल–भारत बैठकले विद्युत खरिद दर बढायो

अनधिकृत रुपमा भूमि दिलाइदिने भ्रमका पछि नलाग्न आयोगको आग्रह