९ मंसिर २०८१, आईतवार
२०७८ फाल्गुन १५ गते, आईतवार १२:५९ मा प्रकाशित
(एजेन्सी) रुसी सेनाले युक्रेनको तेल र ग्यासका स्रोतमाथि बेजोड हमला गरेको छ । युक्रेनका थुप्रै हिस्सामा यस्तो हमलाको खबर आइरहेको छ । राजधानी किएभबाट ३० किलोमिटर टाढा वासिलकिव ओयल टर्मिनललाई मिसाइलले निशाना बनाएको छ ।
हमलाको भिडियो फुटेजमा टर्मिनलमा लागेको आगो स्पष्ट रुपमा देख्न सकिन्छ । यो हमलापछि उडेका धुँवा सबै इलाकामा फैलिएको छ । राजधानी किएभमा विषालु हावाको चेतावनी दिइएको छ ।
शहरकी मेयर नटालिया बालासिनोविचले समाचार एजेन्सीसँगको कुराकानीमा दुश्मनले चारैतिर ध्वस्त पार्न अग्रसर भइरहेको बताएकी छिन् ।
युक्रेनको पूर्वमा रुसी समर्थक विद्रोहीले पनि रोवेन्की नामको शहरमा एक ओयल टर्मिनल उडाइदिएका छन् ।
ग्यास पाइपलाइन उडाइयोः
युक्रेनका पूर्वमा देशको दोस्रो सबैभन्दा ठूलो शहर खारकिएभमा नेचुरल ग्यास पाइपलाइनलाई रुसी सेनाले उडाइदिएको छ । यो शहर रुसी सीमा नजिकै छ ।
यो पाइपलाइन उडाएपछि रुसी ग्यास युरोपसम्म पुग्न सक्छ वा सक्दैन भन्ने स्पष्ट हुन सकेको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
