९ मंसिर २०८१, आईतवार
२०७८ चैत्र १७ गते, बिहीबार १२:३८ मा प्रकाशित
पूर्वी युरोपमा युद्धमा होमिएका दई मुलुकहरु रुस र युक्रेनको अर्थतन्त्रमा यस वर्ष ठूलो धक्का लाग्ने प्रक्षेपण गरिएको छ । पुनर्निर्माण र विकासका लागि युरोपेली बैंकका अनुसार रुसको अर्थतन्त्र यस वर्ष १० प्रतिशत र युक्रेनको कूल ग्राहस्थ उत्पादन जीडीपी २० प्रतिशतले सङ्कुचित हुने छ।
अर्धवार्षिक क्षेत्रीय आर्थिक रिपोर्ट सार्वजनिक गर्दै लन्डनस्थित युरोपेली बैंक फर रिकन्स्ट्रक्सन एण्ड डेभलपमेन्ट इबीआरडीले यस्तो प्रक्षेपण गरेको हो । इबीआरडीका अनुसार दुई देशबीचको युद्धले ५० वर्षका लागि ‘सबैभन्दा ठूलो आपूर्ति झट्का’ निम्त्याउनेछ।
‘अहिले ६० प्रतिशत युक्रेनी कूल ग्राहस्थ उत्पादन हुने भूभागमा युद्ध भइरहेको छ ।’ इबिआरडीको प्रतिवेदनमा उल्लेख छ । त्यस्तै, युक्रेनका ३० प्रतिशत व्यापारहरु बन्द भइसकेको र विद्युत खपत युद्धअघिको तुलनामा ६० प्रतिशतले कमी आएको जनाइएको छ ।
फेब्रुअरी २४ मा रुसले युक्रेनमाथि आक्रमण गर्नुअघि इबीआरडीले यो वर्ष युक्रेनी जीडीपी ३ दशमलब ५ प्रतिशतले वृद्धि हुने र रुसी अर्थतन्त्र तीन प्रतिशतले विस्तार हुने भविष्यवाणी गरेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
