मण्डलामा ‘तीन ट्रान्जिट’ नाटक मञ्चन हुँदै

होमल्याण्ड खबर

२०७८ चैत्र २५ गते, शुक्रबार १५:१७ मा प्रकाशित

वर्तमान राजनीतिक परिवेश र आयाममा आधारित नाटक ‘तीन ट्रान्जिट’ शुक्रबारदेखि मण्डला नाटकघरमा मञ्चन सुरु हुने भएको छ ।

काठमाडौंको थापागाउँस्थित नाटकघरमा बेलुका ५ बजेदेखि सुरु हुने नाटकलाई सोमनाथ खनालले निर्देशन गरेका हुन् । वैशाख ४ गतेसम्म चल्ने नाटकमा बुद्धि तामाङ र विजय बरालको मुख्य भूमिका छ । काठमाडौं, दुबई र अमेरिकाका तीन ट्रान्जिटमा भेटिएका एकापसमा अपरिचित नेपालीले नेपालको राजनीतिलाई कसरी बुझेका छन् भन्ने कथा नाटकले प्रस्तुत गर्छ ।

नाटकमा मोहन चाम्लिङ राई, क्रिस्टिना बस्नेत, विपिन जयसवाल, प्रशंसा सिवाकोटी, प्रवीण पुरी, रविन्द्र खत्री, भुवन लोहार, न्याथन रायन, दिग्गज खत्री, स्मृति श्रेष्ठ, रेखा लिम्बू, युगल लिम्बू, रेश्मा लिम्बू, कृशल श्रेष्ठ, मिलन खड्का, राजीव चौधरीले अभिनय गरेका छन् । सोमबारबाहेक प्रत्येक दिन बेलुका ५ बजे र शनिबार दिउँसो १ बजे नाटक मञ्चन हुने मण्डला थिएटरले जनाएको छ ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ