मधेसका मुख्य पालिकाहरुमा लोसपा र एमालेबीच चुनावी तालमेलको तयारी

होमल्याण्ड खबर

२०७९ बैशाख ९ गते, शुक्रबार १५:४५ मा प्रकाशित

मधेस प्रदेशका मुख्य पालिकामा लोकतान्त्रिक समाजवादी पार्टी नेपाल र नेकपा एमालेबीच तालमेलको तयारी भइरहेको छ । यद्यपि दुवै दलले आपसमा चुनावी तालमेलबारे आन्तरिक सहमति भए पनि औपचारिक रुपमा घोषणा भने गरेका छैनन् ।

वीरगञ्ज महानगरपालिकामा दुवै दलले तालमेल गर्ने भएका छन् । बिहीबार पर्सामा पत्रकार सम्मेलन गरेर यसबारे घोषणा गरिएको हो । मधेस प्रदेशका अन्य प्रमुख पालिका तथा प्रदेश १ को विराटनगर महानगरपालिकामा समेत आपसमा तालमेल गर्ने तयारी भइरहेको स्रोतले जनाएको छ।

लोसपाका कार्यकारिणी सदस्य एवं प्रतिनिधिसभा सदस्य एकवाल मियाका अनुसार एमालेसँग बारामा गठबन्धनका लागि शनिबारदेखि छलफल हुन्छ । बारा जिल्लामा दुईवटा उपमहानगरपालिकासहित १६ पालिका छन् । ती पालिकामा कहाँ(कहाँ तालमेल हुन सक्छ भन्नेबारे दुवै दलका बीचमा शनिबार छलफल हुने उनले बताएका छन् ।

जनकपुरधाम उपमहानगरपालिकामा पनि गठबन्धन गर्ने लोसपाको तयारी रहेको छ । त्यहाँका लागि औपचारिक संवाद सुरु नभए पनि स्थानीय कार्यकर्ता तथा नेता तहमा आन्तरिक छलफल सुरु भइसकेको छ ।

सम्बन्धित खबर

राप्रपाको कार्यसम्पादन समिति बैठक सुरु

चुनावी हारको कारण खोज्न कांग्रेसको देशव्यापी समीक्षा

रवि लामिछानेको मुद्दा फिर्ताविरुद्धको रिट न्यायाधीश सुवेदी र पोखरेलको इजलासमा

ओली निवास पुगेर माधव नेपालले दिए समवेदना

सुनचाँदीको मूल्य घट्यो

गोरखा माइक्रोबस दुर्घटना : सात जना भारतीयको मृत्यु