पाकिस्तानको पेसावर सहरको मस्जिदमा आत्मघाती हमला, १७ को मृत्यु

होमल्याण्ड खबर

२०७९ माघ १६ गते, सोमबार १६:११ मा प्रकाशित

पाकिस्तानको पेसावर सहरको मस्जिदमा नमाजको क्रममा विस्फोट भएको छ । पेसावरको लेडी रिडिङ अस्पतालका प्रवक्ता डा आजमका अनुसार प्रहरी लाइन मस्जिदमा सोमबार दिउँसो नमाजको समयमा भएको विस्फोटमा मृत्यु हुनेको सङ्ख्या १७ पुगेको छ ।

मृत्यु हुनेमा प्रहरी पनि रहेको उनले बताए । प्रवक्ताका अनुसार यस विस्फोटमा करिब ७० जना घाइते भएका छन् जसमध्ये १० जनाको अवस्था गम्भीर छ ।

पेसावर विस्फोटबारे पाकिस्तानका पूर्व प्रधानमन्त्री तथा पिटिआई अध्यक्ष इमरान खानले भने, ‘पेसावर पुलिस लाइन्सको मस्जिदमा भएको विस्फोटको कडा निन्दा गर्दछ । पीडितका परिवारप्रति समवेदना ।’

‘आतङ्कवादको खतरासँग लड्नका लागि हामीले हाम्रो खुफिया तन्त्रमा सुधार गर्न र हाम्रा प्रहरीहरूलाई पर्याप्त हतियारहरूले सुसज्जित गर्न आवश्यक छ ।’

पाकिस्तानका विदेश मन्त्री बिलावल भुट्टोले यस हमलाको निन्दा गर्दै चुनावअघि भएको यो विस्फोट निन्दनीय रहेको बताएका छन् । उनले आतङ्कवादी र तिनका सहयोगीलाई कडा कारबाही गरिने बताए ।

बिलावल भुट्टो जरदारीले एक विज्ञप्तिमा भने, ‘नेशनल एक्सन प्लान नै आतंककारीहरूको उपचार हो, यसलाई कडाइका साथ लागू गरिनेछ । पीपीपी कार्यकर्ता र अधिकारीहरूले रक्तदान गरेर घाइतेहरूको जीवन बचाउनु पर्छ ।’

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित