४ चैत्र २०८२, बुधबार
२०७९ माघ १७ गते, मंगलवार १३:०९ मा प्रकाशित
राष्ट्रिय स्वतन्त्र पार्टीका सभापति रवि लामिछानेले गृह मन्त्रालय नपाए सरकार छाड्ने चेतावनी दिएका छन् ।लामिछानेले मंगलबार बिहान बालुवाटार पुगेर प्रधानमन्त्री प्रचण्डसँग आफुलाई गृहमन्त्रीको जिम्मेवारी दिन आग्रह गरेका थिए ।
तर, प्रचण्डले ठोस जवाफ नदिएर सल्लाह गर्छौ भनेपछि लामिछानेले आज साँझसम्म गृह मन्त्रालयको जिम्मेवारी नपाए आफ्नो पार्टी सरकारबाट बाहिरिने जानकारी गराएको स्रोतले जानकारी दियो ।
गत शुक्रबार सर्वोच्च अदालतले लामिछानेको नागरिकता अवैध ठहर गरेसँगै उनको उपप्रधान तथा गृहमन्त्री र सांसद पद गुमेको थियो । तर आइतबार जिल्ला प्रशासन कार्यालय काठमाडौंबाट नेपाली नागरिकता लिएपछि उनी पुनः गैरसांसद मन्त्रीका रुपमा सिंहदरबार छिर्न बार्गेनिङ गरिरहेका छन् ।
निकट स्रोतका अनुसार गृह मन्त्रालय नपाए रविले आजै बेलुका पत्रकार सम्मेलन गरेर सरकारबाट बाहिरिने र समर्थन फिर्ता लिएको घोषणा गर्ने तयारी गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
