४ चैत्र २०८२, बुधबार
२०७९ माघ २२ गते, आईतवार १४:०४ मा प्रकाशित
नागरिक उन्मुक्ति पार्टीका संस्थापक नेता रेशमलाल चौधरी लगायतका मुद्दामा आज सुनुवाइ हुँदैछ । यो मुद्धा सर्वोच्च अदालतका न्यायाधीशद्वय टंकबहादुर मोक्तान र मनोजकुमार शर्माको इजलासमा पेसी तोकिएको छ ।
हालसम्म ४ पटक पेसीमा चढेपनि दुई पटक ‘हेर्न नमिल्ने’ बेञ्चमा परेको थियो । यस्तै, अर्को पेसी अदालतबाटै स्थगित भएको थियो । आज १०औँ नम्बर पेसी सूचीमा यो मुद्दा रहेको छ ।
२०७७ भदौ ७ गते कैलालीको टीकापुरमा अखण्ड सुदूरपश्चिम र थरुहट प्रदेशको माग गर्ने दुई समूहबीच भएको झडप र आन्दोलनका क्रममा एसएसपी लक्ष्मण न्यौपानेसहित ७ जनाको हत्या भएको थियो ।
उक्त घटनामा रेशमलाल चौधरी, लक्ष्मण थारु लगायतलाई दोषी मानिएको थियो । कैलाली जिल्ला अदालत र उच्च अदालत दिपायलबाट दोषी ठहर भएका रेशमलाल चौधरी घटनामा आफ्नो संलग्नता नरहेको भन्दै सर्वोच्च अदालत पुगेका थिए ।
उच्च अदालतले पनि कैलाली जिल्ला अदालतकै फैसला सदर गर्दै पूर्व सांसदसमेत रहेका चौधरीलाई दोषी ठहर गरिएको थियो । उच्च अदालतको फैसलाअनुसार रेशम चौधरीले हाल डिल्लीबजारस्थित कारागारमा जेल सजाय भुक्तान गरिरहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
