युद्धविराम सकिएसँगै गाजापट्टीको दक्षिणी क्षेत्रमा प्रवेश गर्न थाल्यो इजरायली सेना

होमल्याण्ड खबर

२०८० मंसिर १८ गते, सोमबार १०:५४ मा प्रकाशित

प्यालेस्टाइनको विद्रोही समूह हमाससँगको युद्धविराम पछि अस्थायी आक्रमण बढाइरहेको इजरायली सेना गाजापट्टीको दक्षिणी क्षेत्रमा प्रवेश गर्न थालेको छ । इजरायली सेनाले गाजाको खान युनिस सहरको उत्तरी क्षेत्रबाट स्थलगत अभियान शुरु गरेको बीबीसीले जनाएको छ । यो शहरमा इजरायली सेनाको ट्याङकको तस्बिर देखिएको पनि खबरमा उल्लेख गरिएको छ ।

इजरायली रक्षा बल आइडिएफका प्रमुख लेफ्टिनेन्ट जनरल हर्जी हलेभीले आक्रमणलाई बढाएको बताउनु भएको छ । उहाँले तयारीका साथ मजबुत ढङ्गले आफ्ना सेनाहरु हमासविरुद्ध लडिरहेका दाबी गरेका छन् । अस्थायी युद्धविराम सकिएसँगै इजरायलको गाजापट्टीमा गरेको आक्रमणमा परेर प्यालेस्टाइनका २ सय जना नागरिकको ज्यान गएको छ ।

इजरायलले अझै १३७ जना हमास समूहको बन्धकमा रहेको जनाएको छ । सात दिनको अस्थायी युद्ध विराममा हमासले ११० जना र इजरायलले २४० जना प्यालेस्टाइनी बन्दीलाई रिहा गरेको थियो । इजरायल र हमासबीच भइरहेको युद्धमा अहिलेसम्म १५ हजार भन्दा धेरैको ज्यान गएको अनुमान गरिएको छ ।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित