कोभिड निगरानीका लागि डब्ल्यूएचओले शुरू गर्‍यो विश्वव्यापी सञ्जाल

होमल्याण्ड खबर

२०८० चैत्र १५ गते, बिहीबार १५:०७ मा प्रकाशित

विश्व स्वास्थ्य संगठन (डब्ल्यूएचओ)ले सार्स–कोभ–२, मर्स–कोभ र नोबेल कोरोना भाइरस–१९ को खोज, अनुगमन र मूल्यांकनका लागि नयाँ सञ्जाल, ‘कोभिनेट’ शुरू गरेको छ।

डब्ल्यूएचओले विश्वव्यापी रूपमा प्रयोगमा ल्याइरहेको कोभिड–१९ प्रयोगशालालाई सञ्जालमा जोडेको छ। शुरूआती चरणमा, कोभिड–१९ महामारी फैल्याउन सहयोगी रहेको सार्स–कोभ–२ मा केन्द्रित यस नेटवर्कले अब मर्स–कोभ र अन्य सम्भाव्य नयाँ प्रजातिका कोरोना भाइरस समेतमा ध्यान केन्द्रित गर्नेछ।

कोभिनेटले कोरोना भाइरस निगरानीमा विशेषज्ञता भएका विश्वव्यापी प्रयोगशालाको सञ्जालका रूपमा कार्य गर्नेछ। हाल डब्ल्यूएचओका २१ देशका ३६ वटा प्रयोगशालालाई नेटवर्कमा समावेश गरिएको छ।

कोरोना भाइरससँग सम्बन्धित स्वास्थ्य चुनौतीको प्रारम्भिक पहिचान, जोखिम मूल्यांकन र प्रतिक्रियामा डब्ल्यूएचओका सदस्य राष्ट्रको तयारी बढाउने उद्देश्यले २०२४–२०२५ का लागि कार्य योजनालाई अन्तिम रूप दिन प्रयोगशालाका प्रतिनिधि मंगलबार र बुधबार जेनेभामा भेला भएका थिए।

यस सञ्जालले कोरोना भाइरसको समयमै पहिचान, अनुगमन र मूल्यांकन सुनिश्चित गर्ने डब्ल्यूएचओको महामारी पूर्वतयारी तथा रोकथाम विभागका कार्यवाहक निर्देशक मारिया भान केरखोभले बताइन्।

सम्बन्धित खबर

वायु प्रदूषणको गम्भीर असर नियन्त्रण गर्न पाकिस्तानमा लकडाउन

इरानको परमाणु केन्द्रमा इजरायलले गर्‍यो आक्रमण

आप्रवासीलाई सामूहिक देश निकाला गर्न सेना परिचालन गर्ने ट्रम्पको घोषणा

प्रदूषणले भारतको राजधानीका विद्यालय बन्द, अनलाइन कक्षा सुरु

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

श्रीलंकामा वाम गठबन्धनको शानदार जित