२९ माघ २०८१, मंगलवार
२०८१ माघ २८ गते, सोमबार ११:४८ मा प्रकाशित
बंगलादेशमा राजनीतिक संकट चुलिएसँगै अपदस्त गरिएको सत्ताधारी दल अवामी लिगले आजबाट विरोध कार्यक्रम सुरू गरेको छ । शेख हसिनाको दल अवामी लिगलाई धरपकड तथा अगामी चुनावमा भाग लिन नदिने चर्चा चलेसँगै आन्दोलन उठेको हो ।
आज बंगलादेशभर विरोधका कार्यक्रम घोषणा भएका छन् । यस्तै फेब्रुअरी १६ मा बंगलादेश बन्दको कार्यक्रम राखिएको छ । त्यसको दुई दिनपछि हड्ताल हुने बताइएको छ ।
अन्तरिम सरकारका प्रमुख महोमद युनुसको राजीनामा, शेख हसिनालाई अन्तर्राष्ट्रिय अदालतमा लाइएका मुद्दा फिर्ता तथा खराब शासनको अन्त्य लगायतका माग राखेर आन्दोलन थालिएको हो ।
हसिनाले प्रतिबन्ध गरेको बंगलादेश नेसनालिस्ट पार्टी (बीएनपी) ले पनि बंगलादेशका ६४ जिल्लामा आन्दोलनका कार्यक्रम सार्वजनिक गरेको छ ।
बंगलादेशमा दलविहीन अन्तरिम सरकारको अलोकप्रियतासँगै अहिले दुई फरक कित्ताका दलहरू अवामी लिग र बीएनपी एकजुट आएको भारतीय अखबार दी प्रिन्टले उल्लेख गरेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
