२१ चैत्र २०८१, शुक्रबार
२०८१ चैत्र १२ गते, बुधबार ११:३५ मा प्रकाशित
नेपालका पुरुषोत्तम कट्टेल दक्षिण एसियाली फुटबल महासंघ साफको महासचिव नियुक्त भएका छन् ।
साफको कार्यकारी समितिले कट्टेललाई महासचिव पदमा नियुक्त गरेको साफले जनाएको छ ।
अब उनले बंगलादेशका अनवारुल हकको स्थान लिनेछन् । सन् २०१५ देखि सफको महासचिव रहेका हकले व्यक्तिगत कारण देखाउँदै राजीनामा दिएपछि उक्त पदक खाली थियो ।
पुरुषोत्तम कट्टेलले अब २०२५ अप्रिल १ देखि लागु हुनेगरी कार्यभार सम्हाल्ने साफले जनाएको छ ।
साफको महासचिवको रुपमा काम गर्नुअघि कट्टेलले एसियाली फुटबल महासंघ एएफसीको हेड अफ युनिट अफ साउथ एसियाको भूमिकामा काम गरेका थिए । जहाँ उनले १७ वर्ष कार्य गरेको अनुभव छ ।
कट्टेलसँग फुटबल क्षेत्रमा सुशासनदेखि अन्तर्राष्ट्र सम्बन्ध, प्रतियोगिता विभाग लगायत धेरै क्षेत्रमा का गरेको अनुभव छ ।
साफ महासचिव नियुक्त भएपछि कट्टेलले आफू उत्साहित भएको र आफ्नो लागि चुनौती र अवसर रहेको बताए । ‘साफको महासचिव हुँदा म एकदमै खुशी छु । यो मेरो लागि ठूलो अवसर हो र साथै चुनौती पनि हो । मैले फुटबलमा करियर सुरु गर्दा नै दक्षिण एसियालाई नजिकबाट हेरेको छु ।’ कट्टेल भनाई साफले उदृत गर्दै लेखेको छ । ‘यो क्षेत्र चुनौतीपूर्ण क्षेत्र हो तर साथै यो क्षेत्रमा धेरै अवसरहरु समेत छ । मलाई विश्वास छ भविष्यमा यो क्षेत्र अझ राम्रो हुनेछ ।’
कट्टेलले आफूलाई साफको महासचिव नियुक्त गरेकोमा साफ अध्यक्ष काजी सलाहुद्दिन र साफको कार्यकारी समितिको सदस्यहरुदाई धन्यवाद दिए । यस्तै यसअघिका साफ महासचिव हकलाई पनि उनको कार्यकालका लागि कट्टेलले धन्यवाद दिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
