२२ फाल्गुन २०८२, शुक्रबार
२०८२ बैशाख १० गते, बुधबार १६:४९ मा प्रकाशित
टर्कीमा बुधबार दिउँसो ६.२ म्याग्निच्यूडको भूकम्पको धक्का महसुस भएको छ । यो भूकम्पका कारण टर्कीको सबैभन्दा ठूलो सहर इस्तानबुलसहितमा ठूला भवनहरू हल्लिएका छन् ।
समाचार अनुसार यो भूकम्प स्थानीय समयअनुसार मध्यान्ह १२ बजेर ४९ मिनेटमा गएको हो । यस भूकम्पको केन्द्रबिन्दु इस्तानबुलस्थित सिल्भ्री क्षेत्रस्थित मार्मरा सागरको तटमा रहेको छ ।
टर्कीको विपद् तथा आपत्कालीन प्राधीकरणका अनुसार भूकम्पपछिको क्षतिबारे विवरण संकलनको काम भइरहेको छ ।
यो भूकम्पको केन्द्रबिन्दु पृथ्वीको सतहभन्दा १० किलोमिटर भित्र रहेको जर्मन रिसर्च एन्ड सेन्टर फर जियोसाइन्सलाई उद्धृत गर्दै अलजजिराले जनाएको छ ।
टर्किस अधिकारीहरूका अनुसार अहिलेसम्म ठूलो भौतिक पूर्वाधारमा क्षति पुगेको विवरण आइसकेको छैन ।
तर बोस्फोरस स्ट्रेटको युरोपेली र एसियाली किनारमा अवस्थित शहरमा भौतिक संरचना हल्लिएपछि मानिसहरू सडकमा निस्किएका छन् ।
टर्कीको एक टेलिभिजन च्यानल टीजीआरटीले सार्वजनिक बिदाको समयमा आएको भूकम्पका बेला बाल्कोनीबाट हामफाल्दा एकजना व्यक्ति घाइते भएको जनाएको छ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
